ᓴᐳᑦᔨᓯᒪᒍᑏᑦ ᓄᓇᓕᑦᑎᓂᒃ

ᐱᓇᓱᐊᕐᑌᑦ

ᓇᕐᓂᓗᒋᑦ ᐊᑦᔨᖑᐊᑦ ᐊᖏᓕᒋᐊᕐᓂᐊᒪᑕ.

Kuujjuaq VHF Repeaters
Kuujjuaq Forum
Kuujjuaq Forum
Nunavik-Rotors.jpg
VHF  ᓈᓚᐅᑏᑦ ᐱᑐᑦᓯᒪᑎᑦᓯᓲᑦ ᑰᑦᔪᐊᒥᐅᓂᒃ ᓄᓇᒦᑦᑐᓂᒃ ᐃᒪᕐᒥᓗ.

ᓇᐅᓕᒫᓄᑦ ᑐᓴᐅᒪᔭᐅᒋᐊᓕᒃ* ᐊᖑᓇᓱᑦᑏᑦ, ᒪᙯᑦᑏᑦ ᐊᒻᒪᓗ ᐅᒥᐊᕐᑐᑏᑦ; ᑰᑦᔪᐊᒥᐅᑦ ᑎᒥᖁᑎᖓ ᐋᕐᖀᓯᒪᓕᕐᑐᖅ ᒪᕐᕈᒋᐊᓪᓛᓂᒃ ᓈᓚᐅᑏᑦ ᐆᕚᕈᑏᑦ ᐱᑐᑦᓯᒪᐅᑎᖏᓐᓂᑦ ᑰᑉ ᐃᓗᐊᓂ ᐹᖓᓂᓪᓗ. ᑖᒃᑯᐊ 25w ᐱᑐᒍᑎᖏᑦ ᐱᑐᑦᓯᒪᔪᑦ ᑰᑦᔪᐊᒥᐅᑉ ᓈᓚᐅᑏᑦ ᐆᕚᕈᑏᑦ ᐱᑐᑦᓯᒪᐅᑎᖏᓐᓄᑦ ᐃᓕᔭᐅᓯᒪᑦᓱᑎᒃ ᑕᓯᐊᓘᑉ ᖃᕐᖃᖓᓂᑦ (Radar Hill) (ᓈᓚᐅᑎᐅᑉ ᐊᕐᖁᑎᖓ 84).

 

ᐱᒻᒪᕆᒃ ᖃᐅᔨᒪᔭᐅᒋᐊᓕᒃ!: ᑐᓵᑦᓯᐊᖃᔭᖕᖏᑯᕕᑦ ᐆᕚᕈᑎᐅᑉ ᐊᕐᖁᑎᖓᓂᑦ 84-ᒦᑦᑐᒥᒃ, ᐊᓯᑦᔨᓗᒍ ᐊᕐᖁᑎᖓᓄᑦ 1 ᐱᑐᑦᓯᒪᓕᕐᒪᑦ 84-ᒧᑦ ᐊᕐᖁᑎᖃᕐᓱᓂ ᒪᕐᕉᓂᒃ ᐱᑐᑦᓯᒪᐅᑎᐅᓕᕐᑑᓂᒃ ᓈᓚᐅᑎᒧᑦ. ᑐᓴᕐᕕᖃᕈᒪᒻᒥᔪᒍᑦ ᐃᓕᓐᓂᑦ ᖃᐅᔨᓴᖃᑦᑕᕉᑕᕆᓂᑦᑎᓂᑦ ᖃᓄᑎᒋᒃ ᐅᖓᓯᓐᓂᓕᒻᒧᑦ ᓈᓚᒍᓐᓇᒪᖔᑦᑕ, ᓄᓇᒥ ᐃᒪᕐᒥᓘᓐᓃᑦ ᐊᐅᓚᓂᓯᓐᓂᑦ ᖃᐅᔨᑦᓴᕉᑎᖃᑦᑕᕆᑦᓯ ᐱᓗᐊᕐᑐᒥᒃ ᓈᓚᐅᑎᐅᑉ ᐊᕐᖁᑎᖓᑕ 1-ᒨᓕᖓᔫᑉ ᒥᑦᓵᓄᑦ.

 

ᑰᑦᔪᐊᒥᐅᑦ ᑎᒥᖁᑎᖓ. ᓇᑯᕐᒦᑐᖅ ᒪᑭᕝᕕᒥᑦ ᑮᓇᐅᔭᖃᕐᑎᓯᓂᒃᑯᑦ ᐃᑲᔪᕐᓯᓯᒪᒻᒪᑦ ᑖᒃᑯᓂᖓ ᐱᓇᓱᐊᕋᑦᓴᓕᐊᕆᓯᒪᔭᕗᓐᓂᑦ ᐱᕕᖃᕐᑎᑕᐅᓯᒪᒐᑦᑕ ᐊᒻᒪᓗ ᑰᑦᔪᐊᑉ ᓄᓇᓕᖓᑕ ᑲᕙᒫᐱᖓᓄᑦ ᐊᒻᒪᓗ ᓄᓇᕕᒻᒥ ᖁᓕᒥᒎᓕᓐᓄᑦ.

 

2017-ᖑᑎᓪᓗᒍ, ᒪᑭᕝᕕᒧᑦ ᑮᓇᐅᔭᖃᕐᑎᑕᐅᓂᒃᑯᑦ, ᑰᑦᔪᐊᒥᐅᑦ ᒪᕐᕉᓂᒃ ᓈᓚᐅᑏᑦ ᐆᕚᕈᑏᑦ ᐱᑐᑦᓯᒪᐅᑎᖏᓐᓂᑦ ᐋᕐᖀᓚᐅᔪᑦ. ᓯᕗᓪᓕᖅ ᐱᑐᒍᑎᒃ ᐃᓕᔭᐅᓚᐅᔪᖅ ᑰᑉ ᐃᓗᐊᓂ, ᐅᖓᓯᓐᓂᓕᒃ 47 ᑭᓚᒦᑕᓂᒃ ᑰᑦᔪᐊᑉ ᑰᖓᑕ ᐃᓗᐊᓂ, ᑐᖓᓕᐊ ᐱᑐᒍᑎᒃ ᐃᓕᔭᐅᓚᐅᔪᖅ ᑐᕐᕋᒥ ᐅᖓᓯᓐᓂᓕᒻᒥᒃ 43 ᑭᓚᒦᑕᓂᒃ ᐅᖓᕙᐅᑉ ᐃᒪᕐᐱᖓᑕ ᒥᑦᓵᓂᑦ. ᓯᕿᓂᕐᒧᑦ ᐊᓄᕆᒧᓪᓗ ᐃᑯᒪᐅᑎᓕᐅᕐᑕᐅᓲᒃ, 25 Watt-ᓂᒃ ᓲᖑᓂᖃᕐᓱᑎᒃ ᓈᓚᐅᑎᒃᑯᑦ ᐱᑐᐃᓯᒪᒍᓐᓇᑑᒃ ᓯᕕᑐᓂᓕᒻᒥᒃ ᒪᙯᕝᕕᓂ ᐆᒪᔪᕐᓯᐅᕕᓐᓂ ᓱᕐᖁᐃᑐᒥᓪᓗ ᓄᐃᑦᓯᓯᒪᑦᓱᑎᒃ ᐃᑲᔪᕐᓯᒪᓪᓚᕆᓐᓂᖏᓐᓂᑦ ᐱᓗᐊᕐᑐᒥ ᐃᓕᒪᓇᕐᑐᒦᑦᑎᓯᑦᑌᓕᓂᒃᑯᑦ ᐅᐃᒪᓇᕐᑐᓕᕆᓂᒃᑯᓗ ᓄᓇᒦᑦᑐᓂᒃ ᐃᒪᕐᒥᓗ.

 

2018-ᒥ, ᑰᑦᔪᐊᒥᐅᑦ ᑎᒥᖁᑎᖓ ᐸᕐᓇᑐᖅ ᐃᓕᓯᒋᐊᓪᓚᓛᕐᓂᒥᒃ ᓈᓚᐅᑏᑦ ᐱᑐᑦᓯᒪᐅᑎᖏᓐᓂᑦ ᓂᒡᒋᒥᑦ ᐅᐊᓐᓂᒥᓪᓗ. ᓅᑦᓯᓛᕐᒥᔪᒍᑦ ᑰᑉ ᐃᓗᐊᓃᑦᑐᒥᒃ ᖃᕙᖕᖓᓂᐅᓂᕐᓴᖓᓄᑦ Melezes ᑰᖓᑕ ᐱᐅᓯᐅᒥᑎᑦᓯᓛᕐᒪᑦ ᓈᓚᐅᑎᐅᑉ ᐊᕐᖁᑎᖏᓐᓂᑦ ᑲᓐᓂᐅᑉ ᑰᖓᑕ ᐊᒻᒪᓗ ᑰᑦᔪᐊᑉ ᐃᓗᐊ ᑰᖓᑕ ᐊᕙᓗᖏᓐᓂᑦ.

 

ᑰᑦᔪᐊᑉ ᓄᓇᓕᖓᑕ ᐃᓗᐊᓂ ᐊᕙᓗᖓᓂᓪᓗ ᓈᓚᐅᑏᑦ ᐆᕚᕈᑏᑦ ᐊᕐᖁᑎᖏᑦ 84-ᒦᑦᑐᑦ, ᐅᖓᓯᑦᑐᒦᒍᕕᑦ ᓄᓇᒥ ᐃᒪᕐᒥᓘᓐᓃᑦ ᓈᓚᐅᑎᐅᑉ ᐊᕐᖁᑎᖓ ᐊᓯᑦᔨᒋᐊᖃᑐᐃᓐᓇᕆᐊᓕᒃ ᐊᕐᖁᑎᖓᓄᑦ 1-ᒨᕐᓗᒍ ᓈᓚᒍᓐᓇᓯᐊᕐᓂᓴᐅᓂᐊᕋᕕᑦ ᑖᒃᑯᐊ ᒪᕐᕉᒃ ᓈᓚᐅᑏᑦ ᐊᕐᖁᑎᒋᒃ ᐱᑐᑦᓯᒪᐅᑎᒻᒪᓃᒃ.

ᓇᕐᓂᓗᒋᑦ ᐊᑦᔨᖑᐊᑦ ᐊᖏᓕᒋᐊᕐᓂᐊᒪᑕ.

Kuujjuaq Forum
Kuujjuaq Forum
Kuujjuaq Forum
Kuujjuaq Forum
Turkey-in-Kuujjuaq.jpg
Kuujjuaq Forum

ᑭᑭᐊᑦᓴᔭᒥᒃ ᓂᐱᓱᕐᑐᐃᓂᕐᒥᒃ ᐱᓇᓱᐊᕋᑦᓴᓕᐊᖑᓯᒪᔪᖅ

2014-ᒥᓂᑦ, ᑰᑦᔪᐊᒥᐅᑦ ᑎᒥᖁᑎᖓ ᐱᓇᓱᑦᑎᓯᖃᑦᑕᓯᒪᓕᕐᑐᖅ ᐱᓇᓱᒐᕐᒥᒃ ᐊᖏᕐᓯᒪᐅᑎᒃᑰᑐᓂᒃ ᓂᐱᓱᕐᑐᐃᔨᓂᒃ ᐱᒍᓐᓇᐅᑎᓕᓐᓂᒃ ᓴᓇᔭᐅᑎᑦᓯᒋᐊᓪᓛᑎᑦᓯᓂᒃᑯᑦ ᐊᓯᑦᔩᒋᐊᓪᓛᑎᑦᓯᓂᒃᑯᓗ ᐅᒥᐊᓕᕐᑌᑦ ᐅᒥᐊᖏᓐᓂᑦ ᓂᐱᓱᕐᑐᐃᔩᓪᓗ ᐱᒍᓐᓇᐅᑎᓖᑦ ᐱᑕᖃᖕᖏᒪᑕ ᓄᓇᕕᒻᒥ.

 

ᒪᑭᕝᕕᒃ ᐊᒻᒪᓗ ᑰᑦᔪᐊᑉ ᓄᓇᓕᖓᑕ ᑲᕙᒫᐱᖓᑕ ᒪᙯᑦᑏᑦ, ᐃᖃᓪᓕᐊᑎᑦ ᒥᑭᒋᐊᕐᓂᐊᑏᓪᓗ ᑎᒥᐊᕈᖁᑎᖓ ᐃᑲᔪᕐᓯᑎᓪᓗᒋᒃ, ᑮᓇᐅᔭᖃᕐᑎᓯᒍᓐᓇᓯᓯᒪᔪᒍᑦ ᐅᒥᐊᑦ ᓴᓇᔭᐅᒋᐊᓪᓛᕈᑎᖏᑦᑕ ᐊᑭᖏᓐᓂᑦ. ᑭᑭᐊᑦᓴᔦᑦ ᓂᐱᓱᕐᑐᐃᒍᑎᐅᓪᓗ ᐅᕐᓱᐊᓗᖓ ᑎᑭᑎᑕᐅᓲᑦ ᐅᒥᐊᕐᔪᐊᑯᑦ. ᑕᒪᓐᓇ ᓇᑯᕆᔭᐅᒻᒪᕆᑦᑐᖅ ᐊᒥᓱᐃᓪᓗ ᐅᒥᐊᓕᕐᑌᑦ ᐱᕚᓪᓕᔭᐅᓯᒪᑦᓱᑎᒃ ᓇᑯᕐᓴᓂᕋᓲᖑᑦᓱᑎᓗ ᐃᑲᔪᕐᓯᒍᑎᖃᕆᐊᖓ ᑌᒣᑦᑐᒥᒃ. ᐅᒥᐊᑦ ᐃᓗᐊᓕᐅᕐᑕᐅᓂᖏᑦ ᐊᖏᓕᒋᐊᕐᑕᐅᓂᖏᓪᓗ ᑐᑦᓯᕋᐅᑎᐅᓂᕐᐸᐅᓲᖅ ᐅᒥᐊᑦ ᐃᖏᕐᕋᓯᐊᕐᓂᓴᐅᒍᓐᓇᓯᓲᖑᒻᒪᑕ ᐃᖏᐅᓕᒻᒥ ᓯᓚᕐᓂᓗᒻᒥᓘᓐᓃᑦ.

 

ᓇᓗᓀᕐᓯᒍᒪᒻᒥᔪᒍᑦ ᑮᓇᐅᔭᑎᒍᑦ ᐃᑲᔪᕐᓯᒪᓂᖓᓂᑦ ᒪᑭᕝᕕᐅᑉ ᐱᓇᓱᐊᕋᑦᓴᓕᐊᖑᔪᓄᑦ ᑮᓇᐅᔭᖃᕐᑎᓯᕕᖓ ᓴᓇᒍᓐᓇᓯᓯᒪᒐᑦᑕ ᒥᑭᔫᒐᓗᐊᒥᒃ ᓂᐱᓱᕐᑐᐃᕕᒻᒥ ᑰᑦᔪᐊᑉ ᐱᖕᖑᐊᕕᐊᓗᖓᑕ ᓴᓂᐊᓃᑦᑐᖅ. ᓂᐱᓱᕐᑐᐃᕕᒃ ᓴᓇᔭᐅᓯᒪᔪᖅ 2017-ᒥ ᐊᑐᕐᑕᐅᒍᓐᓇᓯᓛᓕᕐᓱᓂᓗ 2018-ᒥ ᓯᕗᓂᕐᒧᓗ ᐊᕐᕌᒍᓂᑦ ᙯᔪᓂᑦ. ᑖᓐᓇ ᓄᑖᖅ ᓂᐱᓱᕐᑐᐃᕕᒃ ᐱᐅᓯᐅᒥᑎᑦᓯᓛᕐᑐᖅ ᐱᒍᑦᔨᐅᑎᕗᓐᓂᑦ ᐃᓄᓐᓄᑦ ᐊᑐᐃᓐᓇᓯᑦᓯᐊᖃᑦᑕᓛᕐᒪᑕ ᐃᓄᐃᑦ ᓴᓇᕐᕈᑎᓂᑦ, ᐱᐅᒃᑯᑎᓂᑦ ᓂᐱᓱᕐᑐᐃᒍᑎᑦᓴᔭᓂᓪᓗ ᐊᑐᕐᑕᐅᒋᐊᓕᓐᓂᑦ ᓂᐱᓱᕐᑐᐃᓂᕐᒧᑦ.

ᑰᑦᔪᐊᑉ ᐄᒐᕐᕕᖓ ᐊᒻᒪᓗ ᐃᒪᕐᒦᒍᑏᑦ ᐱᐅᒃᑯᑏᑦ

ᐊᕐᕌᒍᐃᑦ 15 ᐅᖓᑖᓄᑦ ᑰᑦᔪᐊᒥᐅᑦ ᑎᒥᖁᑎᖓ ᐱᑕᖃᕐᑎᓯᓲᖅ ᐅᒥᐊᑦ ᑲᓕᒐᖏᓐᓂᑦ ᑲᓕᑦᓱᑎᒃ ᐅᒥᐊᕐᑐᑎᓂᒃ ᒪᙯᒋᐊᕐᑐᑐᓂᒃ ᐊᑎᕐᑐᓂᓪᓘᓃᑦ. ᐊᐅᓚᑦᓯᓲᖑᒻᒥᔪᒍᑦ ᑰᑦᔪᐊᑉ ᐄᒐᕐᕕᖓᓂᑦ ᐅᒥᐊᒃᑯᕕᓐᓂᑦ ᐊᒻᒪᓗ ᑐᓴᕈᑎᓕᕆᐅᑏᑦ ᓈᓚᐅᑏᑦ ᐊᕐᖁᑎᖏᑦᑕ ᑐᖕᖓᕕᖓᓂᑦ ᒪᙯᑦᑏᑦ ᑐᓴᐅᒪᖃᑎᒌᒍᑎᖏᓐᓂᑦ ᐱᓗᐊᕐᑐᒥ ᐅᐃᒪᓇᕐᓯᔪᖃᕐᐸᑦ.

 

ᑰᑦᔪᐊᒥᐅᑦ ᑎᒥᖁᖓ ᐱᑕᖃᕐᑎᓯᓲᖑᒻᒥᔪᖅ ᐅᒥᐊᑦ ᓯᖏᑕᐅᕕᖏᓐᓂᑦ ᑭᑭᐊᑦᓴᔭᐅᑦᓱᑎᒃ, ᐅᒥᐊᒃᑯᕕᓐᓂ ᐳᑦᑕᔪᓂᑦ ᓯᓚ ᓈᒻᒪᓯᑐᐊᕐᒪᑦ ᐃᓕᔭᐅᓲᓂᑦ. ᐊᐅᓚᑦᓯᓲᖑᒻᒥᔪᒍᑦ ᐃᒪᕐᒥ ᑕᒻᒪᕇᒃᑯᑎᓂᑦ ᓲᕐᓗ ᑰᒻᒥ ᐃᑯᒪᓂᑦ.

 

ᑰᑦᔪᐊᒥᐅᑦ ᑎᒥᖁᑎᖓ ᓇᒻᒥᓂᖃᕐᒥᔪᖅ ᐊᐅᓚᑦᓯᓱᓂᓗ ᓯᒃᑭᑕᑲᓪᓚᒥᒃ ᓄᓈᕐᑎᓯᒍᑎᒥᒃ ᓄᓇᓕᒻᒥ ᐱᓇᓱᐊᕐᑕᐅᔪᓂᒃ ᐃᑲᔪᕐᓯᓯᒪᔪᖅ ᐆᑦᑑᑎᒋᓗᒍ ᑰᑦᔪᐊᒥᐅᑦ ᐃᓅᓱᑦᑐᐃᑦ ᒪᙯᕐᕕᖓᓂᑦ ᐊᓯᖏᓐᓂᓗ.

ᐊᕐᕌᒍᑕᒫᑦ ᐊᕿᒡᒋᐊᓗᔭᓂᒃ ᑐᓂᐅᕐᙯᓂᖅ

2014-ᒥᓂᑦ ᑰᑦᔪᐊᒥᐅᑦ ᑎᒥᖁᑎᖓ ᓄᐃᑦᓯᓚᐅᕐᓯᒪᔪᖅ ᑕᒪᑐᒥᖓ ᕿᑎᖕᖑᓂᑕᒫᓪᓗ ᐊᑑᑎᔭᐅᓲᖑᓕᕐᓱᓂ. ᐃᑲᔪᕐᓯᓂᖏᓐᓄᑦ ᑮᓇᐅᔭᑎᒍᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᒍᑦᔨᐅᑎᖓ ᐃᓅᒐᓱᐊᕐᓂᐅᑉ ᐊᑭᑐᔫᓂᖓᑕ ᑮᓇᐅᔭᖃᕐᑎᓯᒍᑎᖏᓐᓄᑦ, ᑎᑭᓭᓲᖑᔪᒍᑦ ᓂᐅᕕᕐᓱᒋᓪᓗ ᐊᕿᒡᒋᐊᓗᔦᑦ ᐃᓪᓗᓕᒫᓄᑦ ᑐᓂᐅᕐᖃᑕᐅᓂᐊᕐᑎᓗᒋᑦ. ᓇᑯᕐᒦᑐᒍᑦ ᐃᑲᔪᕐᓯᓯᒪᓂᖓᓄᑦ ᑰᑦᔪᐊᑉ ᓄᓇᓕᖓᑕ ᑲᕙᒫᐱᖓ ᑐᓂᐅᕐᙯᓂᕐᒥᒃ ᐊᕿᒡᒋᐊᓗᔭᓂᒃ ᐊᐅᓚᑦᓯᓲᖑᒻᒪᑦ ᑖᒃᑯᓇᓂ ᐊᕐᕌᒍᓂ ᐊᓂᒍᕐᑐᓂ.

 

ᑏᓯᒻᐱᕆᐅᓚᐅᕐᑐᒥ, ᑲᑐᑦᔨᖃᑎᖃᕐᓱᑕ ᓇᔪᒻᒥᕕᒃ ᓄᓇᒥ ᑎᒍᒥᐊᕐᑎᑯᑦ ᑎᒥᖁᑎᖓᓂᑦ, ᑰᑦᔪᐊᑉ ᓄᓇᓕᖓᑕ ᑲᕙᒫᐱᖓᓂᑦ ᐊᒻᒪᓗ ᐃᓄᐃᑦ ᖃᖓᑦᑕᔫᖏᓐᓂᑦ, ᑎᒥᐅᔪᓕᒫᓪᓗ ᐃᑲᔪᕐᓯᓚᐅᕐᑐᖅ ᑮᓇᐅᔭᖃᕐᑎᓯᓂᒃᑯᑦ ᐊᕿᒡᒋᐊᓗᔭᓂᒃ ᓂᐅᕕᓕᕋᑦᑕ ᐃᓚᖃᑎᓯᒍᓐᓇᓯᓚᕿᓚᐅᔪᒐᑦᑕ ᑰᒃᑯᓯᕕᓂᕐᒥᒃ. ᐱᐅᔪᓂᒃ ᑭᓯᐊᓂ ᑐᓴᕐᕕᖃᕐᓯᒪᔪᒍᑦ ᐃᓄᓐᓂᑦ ᐊᕿᒡᒋᐊᓗᔭᖃᕐᑎᓯᓂᕗᑦ ᐱᓪᓗᒍ.

ᐸᕐᓀᓂᒃᑯᑦ ᐃᑲᔪᕐᓯᒪᓂᖅ ᑰᑦᔪᐊᑉ ᐃᓅᓱᑦᑐᖏᑦᑕ ᒪᙯᕝᕕᖓᓄᑦ

ᐃᑲᔪᕐᓯᒪᓲᖑᔪᒍᑦ ᓯᒃᑭᑕᑲᓪᓚᖃᕐᑎᓯᓂᒃᑯᑦ ᐅᒥᐊᓕᕐᑕᖃᕐᑎᓯᓂᒃᑯᓗ ᑰᑦᔪᐊᕈᓯᓕᐊᕐᑎᓱᒋᑦ ᐃᓅᓱᑦᑐᐃᑦ, ᒪᙯᓯᐅᑏᑦ, ᓂᖀᑦ, ᐅᕐᓱᐊᓗᐃᓪᓗ.

flightradar24
Aqpik Jam
CKUJ-FM_97.3
Kuujjuamiut_logo_ONLY_2.png

© 2019 by KUUJJUAMIUT INC.

Website Design: Bobby May

nunavikquebec@gmail.com

Kuujjuamiut Inc.
C.P. 719
Kuujjuaq, Quebec

J0M 1C0
Tel: (819) 964-2625
Fax: (819) 964-2167