ᓴᐳᑦᔨᓯᒪᒍᑏᑦ ᓄᓇᓕᑦᑎᓂᒃ

ᑰᑦᔪᐊᒥᐅᑦ ᑎᒥᖁᑎᖓᑕ ᐱᕙᓪᓕᐊᓯᒪᓂᖓ

ᑰᑦᔪᐊᒥᐅᑦ ᑎᒥᖁᑎᖓᑦ ᓄᐃᑕᐅᓯᒪᕗᖅ 1998-ᖑᑎᓪᓗᒍ ᐊᑎᓕᐅᖃᑎᒌᒍᑎᖃᕐᑎᓗᒋᑦ ᑰᑦᔪᐊᒥᐅᑦ ᐊᖏᖃᑎᒌᒍᑎᖓᓂᑦ (1998-ᖑᑎᓪᓗᒍ) ᐊᖏᖃᑎᒌᒍᑎᖓ. ᐊᖏᖃᑎᒌᓐᓂᒥᒃ ᐱᓇᓱᐊᖃᑎᒌᑦᑐᑦ ᐅᑯᐊᖑᓯᒪᔪᑦ ᒪᑭᕝᕕᒃ, ᑰᑦᔪᐊᑉ ᓄᓇᓕᖓᑕ ᑲᕙᒫᐱᖓ, ᓇᔪᒻᒥᕕᒃ ᓄᓇᒥ ᑎᒍᒥᐊᕐᑎᑯᑦ, ᑯᐯᒃ ᑲᕙᒪᖓ, ᑰᓐᓂᐊᑎᒃᑯᑦ ᐊᒻᒪᓗ ᔦᒥᓯ ᐯ ᐃᑯᒪᓕᐅᕐᓂᒥᒃ ᑎᒥᖁᑎᖓ.

ᓯᕗᓕᖃᕈᑎᐅᓯᒪᔪᑦ ᑐᕌᕐᓂᓕᐊᖑᓯᒪᔪᐃᓪᓗ ᐊᖏᖃᑎᒌᒍᑎᐅᑉ ᐃᓗᐊᓂ

ᓯᕗᓂᖃᕈᑎᐅᓯᒪᔪᑦ ᑐᕌᕐᓂᓕᐊᕆᔭᐅᓯᒪᔪᐃᓪᓗ ᐊᖏᖃᑎᒌᒍᑎᑎᒍᑦ ᐃᓱᒫᓗᐃᕐᑎᓯᒍᑎᑦᓴᐅᓚᐅᕐᓯᒪᕗᑦ ᑯᐯᒃ ᑲᕙᒪᖓᑕ ᐃᑯᒪᓕᐅᕈᑎᓕᕆᔨᖏᑦᑕ ᐱᔭᑦᓴᖁᑎᖏᓐᓅᓕᖓᔪᓂᑦ ᐃᓕᖓᑦᓱᑎᒃ ᐋᕐᕿᒍᑎᑦᓴᑖᕆᔭᐅᒋᐊᖃᕐᓯᒪᔪᓄᑦ ᐊᒻᒪᓗ ᑮᓇᐅᔭᑎᒍᑦ ᐊᑭᓖᒍᑎᐅᒋᐊᖃᕐᓯᒪᔪᑦ ᑐᖕᖓᕕᐅᓚᐅᕐᓯᒪᕗᑦ ᔦᒥᓯ ᐯ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᓂᑦ ᐊᕕᑦᑐᓯᒪᓂᕐᒥᒃ 8.10-ᒥ 8.17-ᒥᓪᓗ ᒪᓕᑦᓱᒋᑦ.

ᑕᐅᕐᓰᓗᑎᒃ ᑮᓇᐅᔭᓂᒃ ᐊᑐᕐᑕᐅᖃᑦᑕᓂᐊᕐᑐᓂᒃ ᐋᕐᕿᒍᑎᑦᓴᑖᕐᑎᓯᓂᒃᑯᑦ ᑮᓇᐅᔭᑎᒍᓪᓗ ᐊᑭᓖᒍᑎᐅᒋᐊᖃᕐᓯᒪᔪᓄᑦ, ᑰᑦᔪᐊᒥᐅᑦ ᓄᓇᕕᒻᒥᐅᓗ ᐊᖏᕈᑎᖃᕐᓯᒪᕗᑦ ᐊᓯᑦᔩᒋᐊᕐᓂᑯᑦ ᓴᒃᑭᓯᓂᖅ ᐊᑑᑎᑦᓱᒍ 8.17-ᒦᑦᑐᓂᒃ ᔦᒥᓯ ᐯ ᑯᐯᓪᓗ ᑕᕐᕋᖓᑕ ᐊᖏᖃᑎᖐᒍᑎᖓᓂᑦ ᐊᒻᒪᓗ ᑰᓐᓂᐊᑎᒃᑯᑦ ᓴᒃᑯᓯᕕᐅᒐᔭᕐᑎᓗᒋᑦ ᓱᕐᕋᐃᓂᖃᕋᔭᖕᖏᓂᖏᓐᓅᓕᖓᔪᓂᒃ ᑰᒻᒥᒃ ᓯᒥᑦᑐᐃᒍᑎᖏᑦ Le complexe La Grande (1975) ᓄᓇᖕᖑᐊᒥ 55 ᖁᓛᓃᑦᑐ (ᐃᓚᐅᖕᖏᑑᑎᓪᓗᒋᑦ) ᑭᑭᐊᑦᓴᔭᒧᑦ ᓱᕐᕋᑕᐅᑐᐃᓐᓇᕆᐊᖃᕐᓂᖓ ᐱᑕᖃᕐᑎᓗᒍ ᐃᑯᒪᓕᐅᕈᑏᑦ ᐱᕙᓪᓕᐊᔭᐅᓕᕐᑎᓗᒋᑦ.

ᐅᑎᕐᕕᐅᒍᑏᑦ ᑮᓇᐅᔦᑦ

ᑰᑦᔪᐊᒥᐅᑦ ᑎᒥᖁᑎᖓ ᐊᐅᓚᑦᓯᓚᖓᕗᑦ ᑮᓇᐅᔭᓂᒃ ᑰᓐᓂᐊᑎᒃᑯᓂᑦ ᐱᓯᒪᔪᓂᒃ ᑕᓪᓕᒪᐅᓗᑎᒃ ᑮᓇᐅᔦᑦ ᐊᕕᑦᑐᓯᒪᔪᑦ:

ᑰᑦᔪᐊᒥ ᐃᖃᓗᓕᕆᓂᕐᒧᑦ ᑮᓇᐅᔦᑦ:

ᐊᑐᕐᑕᐅᓲᑦ ᐅᑎᕐᑎᓯᕕᐅᑎᑦᓯᓂᕐᒥᒃ ᐃᓄᓐᓂᒃ ᑰᑦᔪᐊᒥᐅᓂᒃ ᐃᓚᐅᑎᓪᓗᒋᑦ ᐃᓄᐃᑦ ᐃᖃᓗᓐᓂᒃ ᓂᐅᕐᕈᓭᔩᑦ ᐊᕐᕌᒎᑉ ᐃᓗᐊᓂ ᐃᖃᓗᓐᓂᐊᓃᑦ ᐱᑕᖃᑦᓯᐊᖃᑦᑕᖏᑐᐊᕐᒪᑕ ᑲᓂᐊᐱᔅᑲᐅ-ᑰᑦᔪᐊᑉ ᑰᖓ ᐃᖃᓗᖃᖕᖏᓂᕐᓴᐅᑐᐊᕐᒪᑦ ᐊᕐᕌᒎᓯᒪᔪᐃᑦ ᐊᓂᒍᕐᑐᓂᒃ ᓴᓂᐊᓂ ᑲᓂᐊᐱᔅᑲᐅ ᑰᖓ ᓴᖑᑎᑕᐅᓯᒪᓂᖓᓄᑦ, ᐃᖃᓪᓕᐊᓃᑦ ᐃᑭᓕᓕᒥᓯᒪᖕᖏᑲᓗᐊᕐᐸᑕ.

ᑰᒻᒥ ᐃᒃᑲᕿᓐᓇᑐᒃᑰᕇᒃᑯᑎᖃᕐᑎᓯᓂᕐᒧᑦ ᑮᓇᐅᔦᑦ:

ᑮᓇᔭᕐᑐᕈᑎᐅᖃᑦᑕᓛᕐᑐᑦ ᐃᒃᑲᕿᓐᓇᑐᒃᑰᑎᑦᓯᑌᓕᒍᑎᓂᒃ ᑰᑦᔪᐊᑉ ᑰᖓᑕ ᓯᓈᒍᑦ ᐃᓕᔭᐅᓗᑎᒃ ᐃᑯᒣᑦ ᑰᑉ ᐃᓗᐊᓄᑦ. ᑮᓇᐅᔦᑦ ᐊᑐᕐᑕᐅᖃᑦᑕᓂᐊᕐᒥᔪᑦ ᐃᓄᓐᓂᒃ ᐃᓚᐅᔫᒍᑎᓕᓐᓂᒃ ᔦᒥᓯ ᐯ ᑯᐁᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᒍᑦ, ᓄᓇᖃᕐᖄᓯᒪᔪᓪᓘᓃᑦ ᑰᑦᔪᐊᒥᐅᖅ ᐅᕝᕙᓘᓐᓃᑦ ᑎᒥᐅᔪᖅ ᐃᓄᑐᐃᓐᓇᐅᓂᕐᒥᒃ ᐃᓕᑕᕆᔭᐅᓂᓕᒃ, ᐅᑎᕐᑎᓯᓂᕐᒧᑦ ᑮᓇᐅᔭᓂᒃ ᑎᒥᐅᔪᓂᓪᓘᓃᑦ ᐱᖁᑎᖏᑦ ᓯᖁᒥᓐᓂᐸᑕ ᑰᒃ ᑲᓂᐊᐱᔅᑲᐅ ᓴᖑᑎᑕᐅᓯᒪᓂᖓᓄᑦ.

ᖃᐅᔨᓴᕐᓂᒧᑦ, ᐋᕐᕿᒋᐊᕆᓂᕐᒧᑦ ᐱᐅᓯᐅᒥᑎᑦᓯᒋᐊᕐᓂᒧᓪᓗ ᑮᓇᐅᔦᑦ:

ᑖᒃᑯᐊ ᑮᓇᐅᔦᑦᐊᑐᕐᑕᐅᖃᑦᑕᓚᖓᔪᑦ ᐱᕙᓪᓕᐊᑎᑦᓯᒍᑎᐅᓗᑎᒃ ᐃᑉᐱᒍᓱᒍᑎᐅᓗᓄᑎᒃ ᐊᕙᑎᐅᑉ ᐃᓅᖃᑎᒌᓪᓗ ᓱᕐᕋᑕᐅᒪᓂᖏᓐᓂᑦ ᑰᒃ ᓴᖑᑎᑕᐅᓯᒪᓂᖓᓄᑦ; ᖃᐅᔨᓴᕐᓃᑦ ᐊᑑᑎᑎᑕᐅᖃᑦᑕᕆᐊᖃᕐᒪᑕ ᓱᕐᕋᑕᐅᓯᒪᔪᖃᕐᒪᖔᑦ, ᐋᕐᕿᒋᐊᕆᒍᑎᑦᓭᓗ ᐊᑐᓕᕐᑎᖃᑦᑕᓗᒋᑦ ᕆᐊᖃᕐᐸᑕ ᓄᐃᑕᐅᓯᒪᒻᒪᑕ ᐃᑯᓪᓚᑎᑦᓯᒐᓱᐊᕈᑎᐅᓂᐊᕐᓗᑎᒃ ᐊᕙᑎᐅᑉ ᐃᓅᖃᑎᖐᓐᓂᑯᓪᓗ ᐃᓂᓪᓚᖓᐅᓯᐅᔪ6 ᓱᕐᕋᑕᐅᓯᒪᒻᒪᖔᑦ ᑰᑦᔪᐊᒥ ᐊᕙᑎᖓᓂᓪᓗ; ᐊᒻᒪᓗ ᐊᒥᓱᖕᖑᒋᐊᕐᑎᓯᒍᑎᐅᓗᑎᓗ ᐃᖃᓗᐃᑦ ᐆᒪᔪᐃᓪᓗ ᐅᓄᕐᓂᖏᓐᓂᑦ.

ᐱᒍᑦᔨᐅᑎᓄᑦ ᑮᓇᐅᔦᑦ:

ᑮᓇᐅᔦᑦ ᐊᑐᕐᑕᐅᖃᑦᑕᓂᐊᕐᑐᑦ ᒪᑭᑉᐸᓕᐊᒐᓱᐊᕐᓂᒥᒃ, ᐃᓅᖃᑎᒌᑎᒍᑦ ᐃᓗᕐᖁᓯᕐᑎᒍᓪᓗ ᐱᓂᐊᕐᓂᐅᔪᓄᑦ ᐱᕙᓪᓕᓇᕐᑑᓂᐊᕐᑎᓗᒋᑦ ᑯᑦᔪᐊᒥᐅᓄᑦ (ᓄᓇᓕᒻᒨᓕᖓᔪᑦ)

ᒪᑭᑉᐸᓕᐊᒐᓱᐊᕐᓂᒧᑦ ᐃᑲᔪᕐᓯᐅᑏᑦ ᑮᓇᐅᔦᑦ:

ᑮᓇᐅᔦᑦ ᐊᑐᕐᑕᐅᖃᑦᑕᓂᐊᕐᑐᑦ ᐃᑲᔪᕐᓯᐅᑎᐅᓗᑎᒃ ᑮᓇᐅᔭᑎᒍᑦ ᐃᓄᓐᓄᑦ ᑎᒥᐅᔪᓄᓪᓗ ᑰᑦᔪᐊᒥᐅᓄᑦ.

Kuujjuaq VHF Repeaters
Kuujjuaq VHF Repeaters
Kuujjuaq VHF Repeaters
Kuujjuaq VHF Repeaters
 
 

ᑎᓕᔭᐅᒪᐅᑎᒃ

1. ᐸᕐᓇᓂᕐᒥᒃ, ᓇᐅᑦᓯᑐᐃᓂᕐᒥᒃ, ᐊᐅᓚᑦᓯᓂᕐᒥᒃ, ᐊᑐᐃᓐᓇᕈᕐᑎᓂᕐᒥᒃ, ᑐᑭᒧᐊᕆᓂᕐᒥᒃ, ᐃᑉᐱᒍᓱᓐᓂᒥᒃ, ᐱᕙᓪᓕᐊᑎᑦᓯᓂᕐᒥᒃ ᐱᐅᓯᐅᒥᑎᑦᓯᒋᐊᕐᓂᒥᓪᓗ ᐃᓅᒐᓱᐊᕐᓂᖏᓐᓂᑦ ᐃᓄᐃᑦ, ᐊᒻᒪᓗ ᓄᓇᓕᐅᑉ ᑮᓇᐅᔭᑎᒍᑦ ᒪᑭᑉᐸᓕᐊᒐᓱᐊᕐᓂᖓᓂᑦ ᑰᑦᔪᐊᑉ ᓄᓇᓕᖓᑕ ᑲᕙᒫᐱᖓᑕ ᓄᓇᓕᖓᓂᒥᐅᑦ.

2. ᐱᐅᓯᐅᒥᑎᑦᓯᒋᐊᕐᓂᖅ ᐊᒻᒪᓗ/ᐅᕝᕙᓘᓐᓃᑦ ᐱᑕᖃᕐᑎᓯᓂᖅ ᒥᑭᔪᓂᒃ ᐅᒥᐊᕐᓂᒃ ᐃᖏᕐᕋᐅᑎᓂᓪᓘᓃᑦ

ᑰᑦᔪᐊᑉ ᑯᖓᓂ.

3. ​ᑮᓇᐅᔭᓂᒃ ᐅᑎᕐᑎᓯᕕᖃᕐᓂᒥᒃ ᐃᓄᓐᓂᒃ ᐃᓚᐅᔫᒍᑎᓕᓐᓂᒃ ᔦᒥᓯ ᐯ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᒍᑦ ᐱᑐᑦᓯᒪᔪᓄᑦ ᑰᑦᔪᐊᑉ ᓄᓇᓕᖓᓄᑦ, ᐃᓄᐃᑦ ᑎᒥᐅᔪᖏᓐᓄᑦ, ᐊᒻᒪᓗ ᓇᐅᑐᐃᓐᓇᓄᑦ ᑰᑦᔪᐊᒥᐅᓄᑦ, ᓯᖁᒥᓯᒪᔨᐊᖃᕐᐸᑕ ᓱᓇᑐᐃᓐᓇᓂᒃ ᓴᖑᑎᑕᐅᓯᒪᓂᖓᓄᑦ ᑲᓂᐊᐱᔅᑲᐅ ᑰᖓ ᐊᓯᓕᒫᖏᓐᓄᓗ ᐊᓐᓀᓯᒪᔪᓄᑦ ᐊᕐᕌᒎᑉ ᐃᓗᐊᓂ ᐃᖃᓪᓕᐊᓃᑦ ᑲᓂᐊᐱᔅᑲᐅ /ᑰᑦᔪᐊᑉ ᑯᖓ ᐃᒃᑲᓗᐊᕐᓂᑯᖓᓄᑦ ᐃᖃᓪᓕᐊᓯᐊᕐᖃᔭᕐᓂᖏᑦᑐᓄᑦ ᐊᕐᕌᒍᐃᑦ ᐊᓂᒍᕐᑐᓂ ᐊᒥᓱᕌᕐᓂᓴᐅᖃᑦᑕᓯᒪᓗᑎᒃ.

4. ​ᐊᑐᓕᕐᑎᓯᓂᖅ ᐊᐅᓚᑦᓯᓂᕐᓗ ᐃᒪᕐᒥᐅᑌᑦ ᐱᐅᒃᑯᑎᖏᓐᓂᑦ ᑰᑦᔪᐸᑉ ᓄᓇᓕᖓᑕ ᐃᓗᐊᓂ ᖃᓂᔮᓂᓪᓗ.

5.  ᐱᕙᓪᓕᐊᑎᑦᓯᓂᖅ ᐱᒍᑦᔨᐅᑎᑦᓴᓂᒃ ᕿᒥᕐᕈᒍᑎᐅᖃᑦᑕᓂᐊᕐᑐᓂᒃ ᐊᕙᑎᐅᑉ ᐃᓅᖃᑎᒌᓪᓗ ᓱᕐᕋᑕᐅᓯᒪᒻᒪᖔᑕ ᑲᓂᐊᐱᔅᑲᐅ ᑰᖓ ᓴᖑᑎᑕᐅᔪᕕᓂᐅᑎᓪᓗᒍ, ᐊᑑᑎᖃᑦᑕᓗᒋᓪᓗ ᐋᕐᕿᒋᐊᕆᒍᑎᑦᓭᑦ ᐃᑯᓪᓚᑎᑦᓯᒋᐊᕐᑎᓯᓂᕐᒧᑦ ᐊᕙᑎᐅᑉ ᐃᓅᖃᑎᒌᓪᓗ ᓱᕐᕋᑕᐅᓚᕿᒍᑎᒋᓯᒪᔭᖏᓐᓄᑦ ᑰᑦᔪᐊᑉ ᐊᕙᑎᓕᒫᖓᓂᑦ.

6.  ᐱᕕᖃᕐᑎᓗᒋᑦ ᐃᓚᐳᔫᒍᑎᓖᑦ ᔦᒥᓯ ᐯ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᒍᑦ ᐱᑐᑦᓯᒪᔪᑦ ᑰᑦᔪᐊ ᓄᓇᓕᖓᓄᑦ ᑮᓇᐅᔭᑎᒍᑦ ᐃᑲᔪᕐᓯᐅᑎᓂᒃ ᐱᕙᓪᓕᐊᑎᑦᓯᒍᑎᐅᓂᐊᕐᑐᓂᒃ ᓴᓇᕕᓐᓂ, ᖄᖏᕐᓂᑯᓕᐅᕐᕕᓂ ᐃᓪᓗᓕᐅᕐᓂᒥᓪᓗ ᐊᒻᒪᓗ ᐊᕙᑎᐅᑉ ᐱᑦᓴᖑᒍᓐᓇᑐᖁᑎᖏᓐᓂᑦ ᐱᕙᓪᓕᐊᑎᑦᓯᓂᕐᒧᑦ.

7.​ ᐊᑐᓕᕐᑎᓯᓂᖅ ᖃᐅᔨᓴᕐᓂᓂᒃ ᑲᒪᒋᔭᖃᕐᓂᒥᓪᓗ ᐃᖃᓗᐃᑦ ᖃᓄᐃᑦᑐᑐᐃᓐᓀᑦ ᐅᓄᕐᓂᖏᑦ ᖃᓄᐃᓪᓗᐊᓕᕐᒪᖔᑕ ᐊᓯᖏᓪᓗ ᐆᒪᔪᐃᑦ ᓇᔪᒐᕐᕕᖏᓪᓗ.

8. ​ᐊᐅᓚᑦᔭᕆᐊᕈᑎᑦᓴᓕᐅᕐᓂᖅ ᐱᐅᓯᐅᒥᑎᑦᓯᒍᑎᐅᓂᐊᕐᑐᓂᒃ ᐱᓇᓱᐊᖃᑎᒌᓐᓂᖏᓐᓂᑦ ᑰᓐᓂᐊᑎᒃᑯᑦ ᐊᒻᒪᓗ ᑰᑦᔪᐊᑉ ᓄᓇᓕᖓᑕ.

Kuujjuaq VHF Repeaters
Kuujjuaq VHF Repeaters
Kuujjuaq VHF Repeaters

ᐊᐅᓚᑦᓯᓂᓕᕆᕕᒃ

ᔦᓴᓐ ᐁᑦᓯᓴᓐ        ᑲᒪᔨᒻᒪᕆᒃ

ᐄᕙ ᖃᐅᒃᑫ ᑯᐊᑕ     ᑲᒪᔨᒻᒪᕆᐅᑉ ᑐᖓᓕᖓ

ᑭᑎ ᔫᓇᓯ         ᑮᓇᐅᔭᓂᒃ ᐊᑦᑕᑐᕐᕋᑦᓴᓕᐅᕐᑎ

ᑖᓚᓯ ᓯᕐᖁᐊᓗᒃ      ᐊᓪᓚᑎ

ᔮᓂ ᐴᑎ          ᓯᖁᒥᓯᒪᔪᕐᓂᐊᑏᑦ ᑐᑭᒧᐊᑦᑎᓯᔨᖓ

ᔩᒥ ᑯᐊᑕ          ᐊᖓᔪᑦᓯᖅ ᐄᒐᕐᕕᓕᕆᔨ

ᓘᒃ ᐳᕈ           ᐃᓪᓗᓂᑦ ᑲᒪᔨ

Kuujjuaq VHF Repeaters
flightradar24
Aqpik Jam
CKUJ-FM_97.3
Kuujjuamiut_logo_ONLY_2.png

© 2019 by KUUJJUAMIUT INC.

Website Design: Bobby May

nunavikquebec@gmail.com

Kuujjuamiut Inc.
C.P. 719
Kuujjuaq, Quebec

J0M 1C0
Tel: (819) 964-2625
Fax: (819) 964-2167