ᑰᑦᔪᐊᑉ ᐱᖕᖑᐊᕕᖓᓃᑦᑐᑦ ᓱᓇᓱᐊᕐᑎᓯᕖᑦ
ᑰᑦᔪᐊᒥᐅᑦ ᑎᒥᖁᑎᖓ ᐊᐅᓚᑦᓯᔪᖅ ᑰᑦᔪᐊᑉ ᐱᖕᖑᐊᕕᖓᓂᑦ. ᑰᑦᔪᐸᑉ ᐱᖕᖑᐊᕕᖓ ᐱᖓᓱᓗᐊᖕᖑᐊᓂᒃ ᐃᓂᓕᒃ ᓱᖃᑦᓯᕕᐅᒍᓐᓇᑐᓂᒃ ᐃᖏᕐᕋᑎᑕᐅᔪᓂᑦ ᖃᐅᑕᒫᑦ, ᓯᐊᕐᕆᔭᕐᕕᓕᒃ, ᐱᖕᖑᐊᕕᓕᒃ ᐃᙯᓕᓴᕐᕕᖃᕐᓱᓂᓗ.
ᐅᒃᑯᐃᑕᐅᓯᒪᔪᖅ 1992-ᖑᑎᓪᓗᒍ ᓴᐳᑦᔨᑎᓗᒋᑦ ᓄᓇᓕᐅᑉ ᑎᒥᖁᑎᖏᑦ ᓲᕐᓗ ᑰᑦᔪᐊᑉ ᓄᓇᓕᖓᑕ ᑲᕙᒫᐱᖓ, ᓇᔪᒻᒥᕕᒃ ᓄᓇᒥ ᑎᒍᒥᐊᕐᑎᑯᑦ ᑎᒥᖁᑎᖓ. ᐱᖕᖑᐊᕕᐅᑉ ᓴᓇᔭᐅᓂᖓ ᑮᓇᐅᔭᕐᑐᓯᒪᔪᖅ ᒥᑦᓴᐅᓵᕐᓱᒋᑦ $13.5 ᒥᓕᐊᓐᑖᓓᑦ ᑮᓇᐅᔭᖃᕐᑎᓯᑎᓪᓗᒍ ᓱᓇᒥᑦᑐᒥᒃ ᐅᑎᕐᕕᐅᒍᑎᑖᕆᓯᒪᔭᖏᓐᓄᑦ ᐊᑖᓂ ᑰᑦᔪᐊᒥᐅᑦ ᐊᖏᖃᑎᒌᒍᑎᖓᑕ (1998). ᐱᖕᖑᐊᕕᒃ ᐊᕐᕌᒍᓂᑦ ᐊᒥᓱᓂᑦ ᐱᕕᖃᕐᑎᓯᓯᒪᓕᕐᑐᖅ ᓄᓇᓕᒻᒥᒃ ᑲᔪᓯᑦᓱᓂᓗ ᐊᑦᔨᒌᖕᖏᑐᓂᑦ ᐱᓂᐊᕐᓂᐅᔪᓂᑦ ᐊᑑᑎᕕᐅᑦᓱᓂ ᐱᖕᖑᐊᓂᕐᓄᑦ, ᐊᒥᓱᐃᑎᒍ9ᓗ ᐃᓗᕐᖁᓯᓕᕆᓂᒃᑯᑦ ᓄᓇᓕᐅᓪᓗ ᐱᓂᐊᕐᓂᖏᓐᓄᑦ. ᐅᐱᒍᓱᑦᑐᒍᑦ ᑐᓴᕐᑎᓯᒋᐊᒥᒃ ᐊᕐᕌᒍᑕᒫᑦ ᓂᑦᔭᓗᑦᑖᓂᐅᓲᖅ ᐊᕐᐱᒃ ᔮᒻ ᐱᖕᖑᐊᕕᒻᒦᖃᑦᑕᓚᖓᓕᕐᒥᒪᑦ ᐱᒋᐊᕐᕕᒋᒋᐊᖕᖓᕕᒋᓯᒪᔭᕐᒥᓂᒃ ᐊᕐᕌᒍᓂ ᐊᒥᓱᓂᒃ ᐊᓂᒍᕐᑐᓂ.
ᐃᙯᓕᓴᕐᕕᒃ
ᑎᒥᑦᓯᐊᖃᕈᒪᕖᑦ?
ᐃᓚᐅᒍᑎᑖᕈᓐᓇᑐᑎᑦ ᐃᙯᓕᓴᕐᕕᒧᑦ ᐁᓗᑎᑦ. ᓄᒃᑭᓴᐅᑏᑦ ᐃᙯᓕᓴᐅᑏᓪᓗ ᐱᑕᖃᑦᓯᐊᑐᑦ.
ᐃᙯᓕᓴᕐᕕᒃ ᐅᒃᑯᐃᖔᓲᖅ ᐅᓪᓗᐃᑦ 7 ᐱᓇᓱᐊᕈᓯᓕᒫᖅ, 365 ᐅᓪᓗᐃᑦ ᐊᕐᕌᒍᓕᒫᑉ ᐃᓗᐊᓂ. ᑫᕙᓪᓚᒍᓯᖏᑦ ᐅᒃᑯᐃᖔᕐᓂᖓᓄᑦ 5-ᖑᒥ ᐅᓪᓛᑯᑦ 10-ᖑᒧᑦ ᐅᓐᓄᑯᑦ. ᖃᐅᔨᒪᔭᐅᒋᐊᓕᒃ ᐃᓚᐅᔫᒍᑎᑉᐱᑦ ᐲᕈᑎᖓ ᐊᑐᕈᓐᓇᒪᑦ ᐅᒃᑯᐃᖔᕐᓂᖓᓂᑦ ᑭᓯᐊᓂ. 50%-ᒥᒃ ᐊᐊᑭᑭᓪᓕᒋᐊᕐᑎᓯᒍᓐᓇᑐᒍᑦ ᐃᓚᐅᔫᒍᑎᓕᓐᓄᑦ ᔦᒥᓯ ᐯ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ. ᐃᓚᐅᔫᒍᑎᑉᐱᑦ ᐃᓓᒍᑎᑦᓴᔭᖓ ᓇᔪᕐᑎᒋᒋᐊᓖᑦ ᐊᑭᑭᓪᓕᒋᐊᕐᓯᒪᔪᒥᒃ ᐃᓚᐅᔫᒍᑎᑖᕈᒪᒍᕕᑦ.
ᑲᑎᒪᕖᑦ
ᑲᑎᒪᕖᑦ ᐊᑐᐃᓐᓇᐅᔪᑦ ᐊᑦᑕᑐᐊᕆᔭᐅᒍᓐᓇᓱᑎᒃ
ᒥᑭᔪᖅ ᑲᑎᒪᕕᒃ ᐊᑭᖃᖕᖏᑐᒥᒃ ᐱᑐᑦᓯᒪᐅᑎᒃᑰᕈᑎᖃᕐᓱᓂ / ᐊᑭᓐᓇᒥᒃ ᐊᑦᔨᖑᐊᓂᒃ ᓄᐃᑕᑎᑦᓯᒍᑎᒃ ᐊᑭᓐᓇᒥᐅᑕᖓᓗ ᐱᑕᓕᒃ ᐊᒻᒪᓗ ᑰᑦᔪᐊᑉ ᓄᓇᓕᖓ ᑕᑯᒥᓇᕐᑐᖅ ᑕᑯᑦᓴᐅᓱᓂ ᑕᒡᒐᖓᑦ
ᐱᖕᖑᐊᕕᒃ ᐊᑦᑕᑐᕐᑕᐅᒍᓐᓇᑐᖅ ᖃᓄᐃᑦᑐᑐᐃᓐᓇᓄᑦ ᐱᓂᐊᕐᓂᐅᔪᓄᑦ ᑲᑎᒪᓂᒻᒪᕆᓐᓄᓘᓐᓃᑦ ᖃᓂᖕᖒᑎᖃᕐᓱᓂ, ᓵᑦ ᐃᑦᓯᕙᐅᑌᓪᓗ ᐱᑕᖃᕐᒥᔪᑦ ᐊᑐᕐᑕᐅᒋᐊᖃᕐᐸᑕ. ᓂᕿᖃᕐᑎᓯᔨᐅᔪᓂᑦ ᐅᓐᓂᑑᑦᔨᒍᓐᓇᒥᔪᒍᑦ ᑭᖕᖒᒪᒋᔭᐅᑉᐸᑕ.
ᖃᖓᑐᐃᓐᓇᑯᑦ ᑐᑦᓯᕋᐃᕕᐅᒍᓐᓇᑐᒍᑦ ᑭᖕᖒᒪᑦᓯᒍᑦᓯ ᐱᓂᐊᕐᓂᐅᒐᔭᕐᑐᒧᑦ.
ᐅᖄᓚᕕᒋᓗᒍ ᔦᓴᓐ ᐁᑦᓯᓴᓐ ᐅᕙᓂ 819-964-2625 ᐅᕝᕙᓗᓐᓃᑦ ᑕᑕᕐᓴᒐᖅ ᑕᑕᕐᓴᓗᒍ ᐊᑭᖏᑦ ᖃᑦᓯᕌᕐᒪᖔᑕ ᑕᑯᓚᖓᒐᕕᑦ.
